Skjaldborgarhátíðin

Dagana 18.-21.maí 2018 verður Skjaldborg – hátíð íslenskra heimildamynda haldin í tólfta sinn á Patreksfirði. Auk þess að frumsýna nýjar íslenskar heimildamyndir er hátíðinni ætlað að vera tækifæri fyrir kvikmyndagerðarfólk og áhugamenn um heimildamyndir til að koma saman. Í lok hátíðarinnar verða veitt bæði áhorfendaverðlaunin Einarinn, sem hafa verið veitt frá upphafi, og dómnefndarverðlaunin Ljóskastarinn sem veitt voru í fyrsta sinn árið 2017.

 

Skjaldborg sýnir heimildamyndir sem annars kæmu varla fyrir augu almennings og ber jafna virðingu fyrir hinu smáa, stóra, skrýtna og fokdýra. Efnistök heimildamyndanna sem hafa verið á dagskrá hátíðarinnar í gegn um árin hafa verið fjölbreytt en þær hafa verið allt frá örstuttum myndum upp í myndir í fullri lengd.

 

Dómnefndin verður kynnt síðar.

 

Ókeypis er inn á allar heimildamyndirnar sem sýndar eru í bíóinu Skjaldborg sem staðsett er í hjarta bæjarins.

Armband á hátíðina veitir aðgang að sjávarréttaveislu, plokkfiskboði kvenfélagsins, dansiballi og aðgang í sundlaugina.

Armbandssala fer fram í Skjaldborgarbíó og verðið er kr. 7000.

 

Stök verð:

Plokkfiskur kr. 1800
Fiskiveisla kr. 2500
Dansiball kr. 2500
Aðgangur í sundlaugina kr. 1000

Skjaldborgarar
  • HELGA RAKEL RAFNSDÓTTIR
    Framkvæmd Reykjavík helgarak@gmail.com 696 7719
  • Kristín Andrea Þórðardóttir
    Framkvæmd Reykjavík kristinandrea@gmail.com 820 3646
  • Aron Ingi Guðmundsson
    Framkvæmd Patreksfirði aronigud@gmail.com 695 7620
  • GERÐUR B. SVEINSDÓTTIR
    Framkvæmd Patreksfjörður gerdur@vesturbyggd.is 892 4247